<html><body><img height="219" src="http://stforum.spacetoon.com/stusers/images/8/44831/31[1].gif" width="170" alt="" /><img height="600" src="http://stforum.spacetoon.com/stusers/images/8/44831/13991[1].gif" width="800" alt="" /><div align="center">بسم الله الرحمن الرحيم </div><div align="right">قصه واقعيه حدثت لشخص من تركيا <br />ابطال القصه الشاب :: الام </div><br /><div align="right">كانت الام دى شغاله فى المدرسه اللى بيدرس فيها ابنها وكانت ليها عين واحده وكان ابنها طبعا مضايق من الحكايه دى ازاى امه شغاله ( عامله ) فى المدرسه .. المهم قالها انا مش عايز حد يعرف ان انتى امى ولو شوفتينى فى المدرسه ولا كإنك تعرفينى . قالتله حاضر يابنى بس ذاكر انت كويس .. )( سبحان الله ) وفعلا عملت كده ومحدش عرف انها امه خالص بعد كده خلص دراسه فى المدرسه دى وبقى متعلم وجتله فرصة عمل فى الخارج . فسافر حتى من غير مايودع امه والدته اللى ربنا وصى عليها فى كتابه العزيز . واللى حملته تسعة اشهر . مشى من غير مايودع كتلة الحنان الخاصه بيه . طبعا اى ام لابنها انا بعتبرها كتلة حنان وعطف وحب . وربنا يخليهوملنا جميعا يارب المهم عشان مطولش على حضراتكوا بعد ماسافر من غير مايودعها وحتى بعد ماسافر ولا كلمها ولا جواب ولا اى حاجه . خلاص قطع كل علاقته بيها وكإنها واحده كده وخلاص ( سبحان الله ) . وفاتت عشر سنين من غير ماتعرف عنه اى حاجه وبعد كده قررت هيا تسافرله وتعملهاله مفاجأه بعد ماعرفت مكانه . المهم جهزت نفسها وسافرتله البلد اللى هو فيها . راحت للعنوان اللى هو ساكن فيه وخلاص بقى هتقابل كل حاجه فى حياته مهما كان قاسى عليها . هتقابل ابنها يعنى فلزة كبدها . بتخبط الباب فتحلها ولد صغير اتخض منها عشان عنيها . وزى منا قلتلكوا فى الاول هيا كان ليها عين واحده وهنعرف ليه بعدين . بعد ماصرخ الولد طلع ابنها يشوف فى ايه . لقاها امه فزعق فيها انتى ايه اللى جابك ؟ كده تخضى الولد ؟ فالولد بيقول لابوه مين دى يابابا قاله لا ياحبيبى دى واحده مش عارف هيا مين ؟ فقالتله انا اسفه يابنى انا الظاهر غلطت فى العنوان . وانا اسفه كمان لو كنت خوفت ابنك او سببتلك اى مشكله . ومشيت ورجعت بلدها .. شهر شهرين . راح لابنها جواب من تركيا بيقول ان والدته مريضه مرض الموت .. ( بتموت ) .. رجع تركيا يشوف امه قبل ماتموت يمكن يكون ده حرك فى احساسه شويه ( ملحوظه :: انا شخصيا مش معتبره انسان ) .. وهو ماشى فى شوارع تركيا قابله جيرانه بتوع زمان قالوله والدتك ماتت امبارح ودفناها خلاص بس هيا سابتلك معانا الجواب ده .. </div><div align="center">الجواب </div><div align="right">(( بسم الله <br />إبنى : فلزة كبدى :: لتعلم انى لم اكرهك فى يوم من الايام ولن اكرهك .. لتعلم انك جزء منى . ولتعلم ايضا ان هناك سر لابد ان تعرفه وهذا السر لن تعرفه الا وانت تقرأ هذا الجواب وساكون ميته حينها .. <br />ابنى :: وانت صغير حدثت لك حادثه ليقرر الاطباء اقتلاع عينك اليمنى .. فخيرونى بين شيئين انقتلع العين ونغلقها كما هى ؟ ام هناك متبرع ؟ قلت نعم . وماذا تفعل عينى معى وابنى تقتلع عيناه ؟ <br />نعم يابنى .. عينك اليمنى هى عينى .. <br />ابنى هذا هو ماكنت اخفى عنك .. فليحفظك الله وليرعاك . ويرحمك <br />والسلام عليكم ورحمة الله وبركاته ..)) &nbs p; &n bsp; &nbs p; <font color="#ff6600" size="5">(اتمني يا اصدقائي ان ينال اعجابكم وتستفيدو منة دمتم في رعاية الله)****<img src="http://stforum.spacetoon.com/stusers/images/8/44831/wink_smile.gif" alt="" /></font></div></body></html>