((بسم الله الرحمن الرحيم))

جايبالكم النهارده طريقه عمل دوده للأطفال من كرتونه البيض

الادوات:

*لون اخضر فلوماستر او الوان ميه

*مقص

*صمغ

*خيط عريض

*ابره كبيره

*دبوسين للعنين... او عنتين كرتون... او قلم فلوماستر اسود لرسم العين

و ده هايكون شكلها النهائي...




الخطوات:

* نجيب كرتونه البيض و نقصها بالشكل ده





* و بعد ما نقص كل واحده لواحدها نقص اطرافها بالشكل ده و تكون متساويه قدر الامكان بالشكل ده



طبعا لازم نلونها في المرحله دي... لو الكرتونه مش ملونه اصلا...

هنا طبعا انا معملتش الخطوه دي .. لان الكرتونه اصلا لونها اخضر

و ممكن تلونوها بألوان فلوماستر.. او الوان ميه

و انا بفضل الاوان الميه احسن


* بعد كده هانعمل الخيط في الابره و نبدأ نركب كل قطعتين في وش بعض زي الصوره هنا...




لحد لما نخلص كل الكميه و نعملها بالطول المناسب للطفل يعني ماتكونش طويله زياده عن اللزوم...

و بعد كده نجيب الصمغ و نلزق كل اتنين من عيون البيض كويس و هما متركبين جوا الخيط

و بعدين نركب لها العيون او نرسمهم






بس كده ... ونسيبها تنشف حوالي ساعه كده و بعدين تبقي جاهزه للعب....


يا رب تعجبكو و شكرا ليكو